თორნიკე შენგელიამ და ცსკა-მ ევროლიგაზე მორიგი მატჩი ჩაატარეს. ქართველი კალათბურთელის კლუბის მეტოქე ამჯერად სტამბოლის „ეფესი“ იყო. თურქეთში გამართულ მატჩში მასპინძლებმა 30 ქულის სხვაობით, 100:70 გაიმარჯვეს.
საქართველოს ნაკრების კაპიტანი თავის გუნდში საუკეთესო იყო. თოკომ მოედანზე 24 წუთი გაატარა და ამ დროის განმავლობაში 14 ქულა, 5 მოხსნა, 3 შედეგიანი გადაცემა და 2 ჩაჭრა მოაგროვა.
ცსკა-სთვის ეს 27-ე მატჩი იყო. მოსკოვურ კლუბი 18 მოგებით და 9 მარცხით სატურნირო ცხრილში მეორე პოზიციაზე იმყოფება და ლიდერ ბარსელონას 1 მოგებით ჩამორჩება.
