სამწუხაროდ, ტოკიო 2020-ზე ქართველი სპორტსმენებისთვის დღევანდელი დღე უმედლოდ დასრულდა. ოლიმპიადაზე საქართველოს სახელით ხუთმა სპორტსმენმა იასპარეზა, მათგან ორი – ჩოგბურთელი ნიკოლოზ ბასილაშვილი და მოკრივე ესკერხან მადიევი მომდევნო ეტაპზე გავიდნენ, დანარჩენმა სამმა სპორტსმენმა კი მედლების მოპოვება ვერ მოახერხეს – ძიუდოისტი ლუხუმ ჩხვიმიანი, მოფარიკავე სანდრო ბაზაძე და მოცურავე ირაკლი რევიშვილი.
ქართულ დელეგაციას ოლიმპიური მედლის მოპოვების შანსი ხვალაც ექნება. საქართველოს სახელით ოლიმპიადაზე 5 სპორტსმენი იასპარეზებს, მათი გამოსვლის განრიგი კი ასეთია:
ნინო სალუქვაძე (ტყვიის სროლა) – 04:00 საათიდან;
ტეტიანა ლევიცკა-შუკვანი (ძიუდო) – 06:00 საათიდან;
გოგა ჩხეიძე (ძალოსნობა) – 06:50 საათიდან;
ვაჟა მარგველაშვილი (ძიუდო) – 08:30 საათიდან;
შოთა მიშველიძე (ძალოსნობა) – 10:50 საათიდან.
შეგახსენებთ, რომ ტოკიოს ოლიმპიური თამაშების საშეჯიბრო პერიოდი დღეს დაიწყო და 8 აგვისტომდე გაგრძელდება.
