მებრძოლებმა ორი დღე გაატარეს სრულ ქაოსში, სტრესში და არამშვიდ გარემოში – ყაზახების უღირსი საქციელი!

19 ივნისს ქართულ საბრძოლო კლუბ „Alpha Green“-ს ყაზახეთში Mergen FC-ის ღონისძიებაზე მიიღო მონაწილეობა, სადაც საქართველოს ღირსებას სამი მებრძოლი – ნოდარ ხოტენაშვილი, გიორგი ფოჩხიძე და ალეკო საღლიანი იცავდა.

სამწუხაროდ, სამივე მებრძოლი დამარცხდა, რასაც გულშემატკივრებში არაერთგვაროვანი დამოკიდებულება მოყვა.

როგორც მოგვიანებით გაირკვა, ყაზახეთში ჩასულ ქართულ დელეგაციას მასპინძლებმა არაერთი პრობლემა შეუქმნეს, რამაც ბრძოლის შედეგებზე მნიშვნელოვანი გავლენა იქონია.

ამ პრობლემებთან დაკავშირებით დეტალურად გუნდის მთავარმა მწვრთნელმა, უჩა კვერნაძემ ისაუბრა, რომელმაც სპეციალური განცხადება გაავრცელა:

„მოგესალმებით ყველას… მინდა მოკლე ინფორმაცია გაგიზიაროთ 19 ივნისს ყაზახეთში ჩატარებულ შერეულ ორთაბრძოლაში შეჯიბრთან (MFC #1) დაკავშირებით.

1. აწონვის წინა საღამოს 3-ჯერ შეგვიცვალეს აწონვის დრო და ადგილი.

2. აწონვის წინა საღამოს მოვითხოვეთ სასწორი იმისთვის რომ ოფიციალურ აწონვაზე არ გვქონოდა პრობლემები ზედმეტი წონასთან დაკავშირებით.

3. მოგვიტანეს ჯერ ერთი სასწორი და გვაცნობეს რომ აწონვები იქნება ამ სასწორზე, ამ სასწორის მიხედვით დავიწყეთ წონების მზადდება, შემდგომ გარკვეულ დროში მოიტანეს სხვა სასწორი და გვაცნობეს ეს იქნება აწონვაზე- საბოლოოთ ჩვენმა მებრძოლებმა ამ სასწორის მიხედვით ინტესიური ვარჯიშის მერე „გააკეთეს წონა“.

4. 18 ივნისს ოფიციალურ აწონვებზე მოიტანეს კიდევ სხვა სასწორი დაიწყეს 09:00 და ჩვენ არ გვაცნობეს, დაახლოებით 09:40 დაგვირეკეს და ჩამოდით აწონვაზე, ყველა ჩვენი მებრძოლის მეტოქები უკვე იყო აწონილი და გვანახეს მათი ვიდეო (როდის იყო ვიდეო გადაღებული ვერ გავარკვიეთ).

5. წონებზე შეთანხმებული ვიყავით შემდეგი კატეგორიების მიხედვით:
● ნოდარ ხოტენაშვილი 57კგ და დაშვება ორგანიზაციიდან 500გრ.
● გიორგი ფოჩხიძე წინასწარი შეთანხმებით 59კგ.
● ალეკო საღლიანი 70,3 კგ და დაშვება ორგანიზაციიდან 500გრ.

ჩვენი მხრიდან წონის პრობლემა შეექმნა ნოდარ ხოტენაშვილს და ახალ სასწორზე მისი წონა იყო 58.8კგ ზედმეტ წონასთან დაკავშირებით შევთანხმდით რომ 20% ჰონორარიდან გადაეცემა მის მეტოქეს. გიორგი ფოჩხიძემ აიწონა ზუსტად 59კგ. მისი მეტოქე იყო 59,650 ამ 650 გრამზე დახუჭეს თვალი ორგანიზატორებმა და დაუფიქსირეს წონა. ალეკო საღლიანის მეტოქე ემზადებოდა თურმე 73კგ. საბრძოლველათ და აწონვაზე იყო 74.6კგ. მან დააბრალა ორგანიზაციას რომ ჩვენ ასე ვიყავით შეთანხმებული. ჩვენ უარი განვაცხადეთ და შემდგომ ჩემთან მოვიდა ალეკო საღლიანის მეტოქის მწვრთნელი და გამიყვანეს სხვა სივრცეში და შემომთავაზეს 1000 დოლარი იმაზე, რომ ზედმეტ კილოგრამებზე თვალი დამეხუჭა. მე კატეგორიული უარი განვაცხადე, შემდგომ გარკვეული პერიოდის მერე მე ისევ შემომთავაზეს 1500 დოლარი და ისევ მიიღეს კატეგორიული უარი. საბოლოოდ, ალეკო საღლიანის კაცობიდან და ღირსებიდან გამომდინარე დავთანხმდით 73 კგ., მისმა მეტოქემ დაიწყო წონის კლება, როგორც შემატყობინა ორგანიზატორმა აწონვები იქნებოდა 12:00 საათამდე მაგრამ ვინაიდან ის ვერ ასწრებდა, აწონვები გადაიტანეს 13:00 საათამდე. საბოლოოდ მას ჰქონდა ზედმეტი 100 გრამი, ესეც გავუთვალისწინეთ და ამით მორჩა აწონვები.

6. ორგანიზატორებს არაერთხელ ვაცნობე რომ აწონვების მერე ჩემ მებრძოლებს დასჭირდებოდა სისტემის დაყენება რაზეც გვჭირდებოდა ექთანი (ან ნებისმიერი მედ.პერსონალი), ამაზეც მივიღეთ უარი. კიდევ ერთხელ მოვუწოდე რომ ჩვენ გადავიხდით ამ მომსახურეობას მაგრამ მაინც იყო უარი.

7. მაქსიმალურად გვატარებდნენ სხვადასხვა სახის ღონისძიებებზე, რაც მთავარია ხანგრძლივი მანძილებით და მეტი დროით (თუმცა საკმაოდ პატარა ქალაქში ვიყავით), რომ ჩვენ მებრძოლებს ნაკლები დაესვენა. ბრძოლების წინა დღეს ღამის 3 საათამდე ერთმანეთის გვერდში დგომით და დახმარებით ვახორციელებდით წონის აღდგენას, ამ ყველაფერმა ბევრი დრო და ძალა წაართვა როდესაც მაქსიმალურად დაესვენათ.

8. 19 ივნისს ბრძოლის დღეს ორგანიზატორები და მსაჯები ვერ / არ იყვნენ შეთანხმებული წესებთან დაკავშირებით (ძირითადი პრობლემა იყო მე-3 ან მე-4 საყრდენ წერტილთან და იდაყვების რა სახის გამოყენებასთან დაკავშირებით). საბოლოოდ, მაინც არ გაგვაგებინეს და ასე წავიდა ყველა თავის გზაზე.

9. ვინაიდან ნ.ხოტენაშვილი ატარებდა ერთ ერთ მთავარ ბრძოლას მე ვკითხე ორგანიზატორებს დაახვევინებდნენ თუ არა ხელზე ბინტებს (თითქმის ყველა ორგანიზაციაში ბინტებს ხელზე ახვევენ ორგანიზატორები) რაზეც უარი იყო ჩვენ არ ვიცითო. შემდგომ მე მკითხეს თქვენ იცით? რაზეც ვუპასუხე – დიახ – და თან შეძენილი მაქვს ყველაფერი ამ პროცესთან დაკავშირებული მასალა. მათი მხრიდან ისევ წამოვიდა ფულთან დაკავშირებული წინადადება – ჩვენ(ყაზახ) მებრძოლებს დაახვიეთ ბინტებიო და თანხას გადაგიხდითო, რაზეც მიიღეს კატეგორიული უარი.

10. შეჯიბრი დაიწყო ისე რომ ჩვენ არავინ შეგვეხმიანა და სასტუმროდან არ წაგვიყვანეს. ხელზე ბინტები სასტუმროში დავახვიე ჩვენ მებრძოლებს ვინაიდან ვხვდებოდით რომ რიგით „სურპრიზს“ გვიმზადებდნენ და უკვე მიმდინარეობდა რიგით მე 3 ბრძოლა როდესაც მიგვიყვანეს დარბაზში. ვერც ალეკო საღლიანი და ვერც გიორგი ფოჩხიძე სათანადოდ ვერ გახურდნენ, ვერ დაისვენეს ბრძოლისთვის, არც სივრცე იყო და არც დრო. გასახდელი საერთოდ არ იყო და მებრძოლები ხურდებოდნენ გარეთ, შენობის უკან.

ამ ტექსტის დაწერა გამოიწვია იმან რომ საქართველოში დაბრუნებისას გავიგე ესეთი ფაქტი: ტრანსლაციის დროს იყო ისეთი სახის კომენტარები რომ ბიჭებმა ბრძოლები გაყიდეს. ჩვენ ვიძახით, ჩვენი სახელით თითოეული ჩვენი მებრძოლი, თითოეული ჩვენი ხელმძღვანელი არასდროს არ დაუშვებს ასეთ ფაქტს. ამითი არანაირად თავს ვიმართლებ ბრძოლების წაგებასთან დაკავშირებით. გარდა ამ ფაქტებისა იყო უამრავი ბევრი მათ მხრიდან ბინძური მოქმედებები, ოღონდ მიეღოთ ის შედეგი რაც მიიღეს. ჩვენმა მებრძოლებმა ორი დღე გაატარეს სრულ ქაოსში, სტრესში, და არა მშვიდ გარემოში. მიუხედავად ამ ყველაფრისა, თითოეულმა მათგანმა მიიღო გადაწყვეტილება და შევიდნენ ოქტაგონზე, რაზეც მე პირადად თითოულს მათგას – ნოდარ ხოტენაშვილს, გიორგი ფოჩხიძეს, ალეკო საღლიანს მინდა გადავუხადო დიდი მადლობა და მე მეამაყება, რომ თქვენ ხართ ჩვენი გუნდის წევრები.

გარდა ამ ყველაფრისა, სასტუმროში ჩვენ ნომრებს არ ალაგებდნენ (დამლაგებელი იძახდა გაფრთხილებული ვართ რომ ეს არ გავაკეთოთ), ელემენტალური წყალი არ მოქონდათ. აეროპორტში არ წაგვიყვანეს და წავედით ტაქსით (ჩვენი ხარჯებით). Covid-ტესტი არ გაგვიკეთეს და ახლა ყველა ვიმყოფებით 8 დღიან თვითიზოლაციაში და კიდევ ბევრი ამნაირი მათგან საზიზღარი საქციელი და მოქმედება. !!!

კიდევ ერთხელ ჩვენ არ ვიყიდებით, შეუფასებელია ჩვენი გუნდი და თითოეული მებრძოლი. ჩვენ შევწყვიტეთ ყველანაირი კავშირი ამ ორგანიზაციასთან და ვერასდროს ვერ იხილავთ AGG წევრებს მათ ივენთზე.

Alpha Green Georgia MMA-ს მთავარი მწვრთნელი უჩა კვერნაძე.

P.S. არანაირი თავის გამართლება ჩვენ წაგებებთან დაკავშირებით, ღირსეულად მივიღეთ ეს ფაქტი და ხანმოკლე შესვენების პერიოდის შემდგომ გავაგრძელებთ მუშაობას.

საყურადღებო და სამწუხაროა, რომ ქართველი სპორტსმენების მიმართ მსგავსი ფაქტები ხშირად ხდება.“ – წერს უჩა კვერნაძე.