“ანორთოსისის” ქართველმა მწვრთნელმა თემურ ქეცბაიამ ესტონურ “ფლორასთან” მატჩის შემდეგ, რომელიც 2:2 დასრულდა მედიასთან კომენტარი გააკეთა.
“ეს არანორმალურია. ამჯერადაც 2 გოლი გავუშვით და 3 ქულის ასაღებად არ გვეყო, რომ თავადაც 2 გოლი გავიტანეთ. თანაც, ჩვენს კარში ბურთები უხეში შეცდომების გამო მივიღეთ. ძალიან გულდაწყვეტილები ვართ. სოლიდური უპირატესობით დავწინაურდით და მაინც ვერ მოვიგეთ, თუმცა, ეს ფეხბურთია. ისღა დაგვრჩენია, უკეთ მოვემზადოთ და იმედი ვიქონიოთ, რომ მომდევნო მატჩებში დაცვაში უკეთესები ვიქნებით”, – თქვა ქეცბაიამ.
შეგახსენებთ, რომ ანორთოსისი კონფერენსლიგის B ჯგუფში ერთადერთი ქულით ბოლო ადგილზე რჩება.
თემურ ქეცბაიას შეგირდები მომდევნო მატჩს ისევ “ფლორასთან” სტუმრად ესტონეთში 4 ნოემბერს გამართავს.
