თბილისის „დინამო“ კიდევ ხუთმა ფეხბურთელმა დატოვა. თბილისური გუნდის მიერ გავრცელებულ ინფორმაციაში, გიორგი კუხიანიძეს, ნოდარ ქავთარაძეს, გიორგი ზარიას, ივან ტრუბოჩკინს და როდნი კლოუსტერს კლუბთან კონტრაქტი ამოეწურათ.
„ჩვენი კლუბი 5 ფეხბურთელს დაემშვიდობა. გუნდთან არსებული ხელშეკრულება გიორგი კუხიანიძეს, ნოდარ ქავთარაძეს, გიორგი ზარიას, ივან ტრუბოჩკინს და როდნი კლოუსტერს ამოეწურათ. დინამო თბილისი მადლობას უხდის ფეხბურთელებს გაწეული სამსახურისთვის და წარმატებას უსურვებს მათ მომავალ კარიერაში“, – ნათქვამია განცხადებაში.
ამასთან, საქართველოს ყველაზე ტიტულოვანმა კლუბმა 2021 წლის პირველი ვარჯიშიც გამართა. დიღმის ბაზაზე დინამოელები არასრული შემადგენლობით შეიკრიბნენ და დიღმის წვრთნა ჩაატარეს. გიორგი ნემსაძის განკარგულებაში ადგილზე მყოფი ფეხბურთელების გარდა, წინა სეზონში სხვადასხვა კლუბებში იჯარით გაშვებული ფეხბურთელებიც ვარჯიშობდნენ.
