უღიმღამო და უგოლო გამოდგა პრემიერლიგის მე-18 ტურის ცენტრალური მატჩი, რომელშიც „ლივერპულმა“ „მანჩესტერ იუნაიტედს“ უმასპინძლა. გადაუჭარბებლად შეიძლება ითქვას, რომ ამ ორი გრანდის დაპირისპირება არა მხოლოდ ინგლისში, მთლიანად ევროპაში იწვევს უდიდეს ინტერესს. ასე იყო ამჯერადაც, თუმცა გულშემატკივართა მოლოდინი დიდად არ გამართლდა.
გულწრფელი იყო „წითელი ეშმაკების“ მთავარი მწვრთნელი ოლე გუნარ სულშერი. ნორვეგიელმა სპეციალისტმა აღიარა, რომ მისი გუნდი გამარჯვებას არ იმსახურებდა.
„მეტის მოლოდინი მქონდა. ალბათ იგივე განცდა იყო გულშემატკივრებშიც. პირველ ტაიმში მობილიზაციის ნაკლებობა შევამჩნიე, მეორეში კი ორი საგოლე მომენტი გვქონდა, თუმცა ვერ გამოვიყენეთ.
ეს ის შემთხვევაა, როდესაც ფრითაც კმაყოფილები უნდა დავრჩეთ, რადგან მოგება და 3 ქულა არ დაგვიმსახურებია. მანჩესტერს იუნაიტედს გაცილებით უკეთესად შეუძლია თამაში. დღეს მხოლოდ თავს ვიცავდით და ეს კარგი საყურებელი არ იყო. მომავალში გაცილებით კომფაქტურები უნდა ვიყოთ და ბურთიც ხშირად ვაკონტროლოთ.
მეტოქეს, რომელიც ევროპის ერთ-ერთი საუკეთესო გუნდია, არაერთი ფეხბურთელი აკლდა. ცუდია, რომ ამით ვერ ვისარგებლეთ. იმედგაცრუებული ვარ“ – თქვა სულშერმა მატჩის შემგდომ პრესკონფერენციაზე.
„მანჩესტერ იუნაიტედი“ 37 ქულით სატურნირო ცხრილის სათავეშე რჩება, „“ლივერპული კი 34 ქულით მე-4 ადგილზეა.
