ვეტერანი ფეხბურთელი, შოთა არველაძე თბილისის „დინამოს“ ესტუმრა და ფეხბურთელებს საკუთარი გამოცდილება გაუზიარა. ამასთან, 48 წლის ვეტერანმა ფეხბურთელებს ავტობიოგრაფიული წიგნიც უსახსოვრა.
„დღეს დინამოს აკადემიას შოთა არველაძე სტუმრობდა. ჩვენი გუნდის, საქართველოს ნაკრების და ევროპული ფეხბურთის გამორჩეული ფორვარდი ახალგაზრდა დინამოელთა ვარჯიშს დაესწრო, შემდეგ აკადემიის ფეხბურთელებს შეხვდა და მათ ავტობიოგრაფიული წიგნები თავისივე ავტოგრაფით უსახსოვრა“, – წერია „დინამოს“ განცხადებაში.
