შოთა არველაძე შესაძლოა, ინგლისის ჩემპიონშიპის ბინადარ „ჰალ სიტის“ მთავარ მწვრთნელად ვიხილოთ.
თურქული მედიის ინფორმაციით, ჰალის მფლობელი თურქი ბიზნესმენი აჯუნ ილიჯალი ხდება, რომელსაც შოთასთან ახლო მეგობრობა აკავშირებს და მთავარ მწვრთნელად ქართველის დანიშვნას აპირებს.
შეგახსენებთ, რომ ბოლოს შოთა არველაძე ტაშკენტის „ფახთაქორში“ მუშაობდა. მანამდე კი თურქულ კლუბებს: „ქაისერისპორს“, „ქასიმპაშასა და ტრაბზონსპორს“, ასევე თელ-ავივის „მაქაბის“ წვრთნიდა.
„ჰალ სიტი“ ჩემპიონშიპის მიმდინარე სეზონში წარუმატებლად ასპარეზობს და 15 ტურის შემდეგ, 9 ქულით აუთსაიდერთა სიაში იმყოფება.
