უზბეკეთის თასის ფინალში გასვლის შემდეგ, „ფახთაქორის“ მთავარმა მწვრთნელმა შოთა არველაძემ კოკანდ 1912“-თან მოგებული მატჩი შეაფასა.
ადგილობრივმა ჟურნალისტებმა არველაძეს კლუბში ქართველი ფეხბურთელების შესაძლო ტრანსფერზეც ჰკითხეს, რაზეც არველაძემ ასე უპასუხა:
„საქართველოდან ბევრი ფეხბურთელის ჩამოყვანა შეიძლება. ამისთვის უბრალოდ კარგი კვლევაა საჭირო. ბევრ ფეხბურთელში შეიძლება პოტენციალის პოვნა, მაგრამ როდესაც საკუთარი ქვეყნიდან მოგყავს ფეხბურთელი, განსაკუთრებული სიფრთხილე და პასუხისმგებლობაა საჭირო. ამ შემთხვევაში, შენი ქვეყნიდან ჩამოყვანილი მოთამაშე, კლუბის ფეხბურთელებზე საგრძნობლად უკეთ უნდა თამაშობდეს“, – განაცხადა არველაძემ.
47 სპეციალისტს ჯერჯერობით არ დაუკონკრეტებია, თუ რომელი ფეხბურთელების მიყვანას გეგმავს უზბეკურ კლუბში.
უზბეკეთის თასის ფინალში არველაძეების და ტყებუჩავას ფახთაქორი AGMK-ისა და ნასაფის წყვილში გამარჯვებულს შეხვდება. საგულისხმოა, რომ AGMK-ის შემადგენლობაში ორი ქართველი ფეხბურთელი, ელგუჯა გრიგალაშვილი და მათე ვაწაძე თამაშობენ.
