ვარშავაში მიმდინარე მოჭიდავეთა ევროპირველობაზე დღევანდელი დღე ქართველი ფალავნებისთვის წარმატებული გამოდგა. თავისუფალი სტილით მოჭიდავეთა ნაკრებს ორ წონით კატეგორიაში ჰქონდა მედლის მოპოვების შანსი და ორივე შემთხვევაში, ეს შანსი გამოიყენეს.
72 კგ წონით კატეგორიაში ტურნირის ერთ-ერთი ფავორიტი, შმაგი ბოლქვაძე ფინალამდე მივიდა თავი არც ოქროს მედლისთვის ბრძოლაში დაზოგა. ქართველმა ფალავანმა სომეხი მალხას ამოიანი დამაჯერებლად, 4:1 დაამარცხა და ოქროს მედალს დაეუფლა.
მეორე მედალი ქართულმა დელეგაციამ 82 კგ წონით კატეგორიაში მოიპოვა. მესამე ადგილისთვის ბრძოლაში აივენგო რიკაძე ასევე სომეხ კარაპეტ ჩალიანს დაძაბულ ბრძოლაში 3:2 მოუგო და ბრინჯაოს მედალს დასჯერდა.
