ზამთრის სატრანსფერო ფანჯარა ახლოვდება და ევროპული კლუბებიც მალე ყიდვა-გაყიდვის ფერხულში ჩაერთვებიან. „აიაქსის“ აკადემია მსოფლიოში სახელგანთქმულია და ძირითადად ბობოლა გრანდები ნიდერლანდური კლუბიდან ახალგაზრდა ტალანტების გადაბირებით არიან დაკავებულნი, თუმცა თავისთავად გულხელდაკრეფილი არც ამსტერდამელები სხედან.
„აიაქსის“ მთავარი მწვრთნელი ტენ ჰაგი არ გამორიცხავს, რომ ამ ზამთარს გუნდში ახალწვეულები ვიხილოთ. „შემადგენლობით არც ახლა ვართ უკმაყოფილო, მაგრამ ეს იმას არ ნიშნავს, რომ ხელსაყრელი ვარიანტის გამოჩენის შემთხვევაში გუნდი გაძლიერებას არ ეცდება“ – ამბობს „აიაქსის“ მწვრთნელი.
„აიაქსის“ მწვრთნელის ამ კომენტარს სახელოვანი ნიდერლანდური გუნდის გულშემატკივრები გამოეხმაურნენ და ჩვენთვის საინტერესო მოთხოვნა გააჟღერეს.
„ხვიჩა კვარაცხელიას შესახებ აქამდეც ბევრი მსმენია. მართალია, რუსული ფეხბურთის დონე იდეალურისგან შორს არის, თუმცა ამის გამო მისი ათვალწუნება არ შეიძლება. ვფიქრობ, გამოგვადგება. საინტერესო ტალანტია“
„მარცხენა ფლანგზე პრობლემები გვაქვს. ჩემი აზრით ხვიჩა კვარაცხელიათი გაძლიერება ცუდი არ იქნებოდა“.
„აიაქსისთვის“ ქართველი ლეგიონერები უცხო არ არიან. ვფიქრობ, ხვიჩა კვარაცხელიას შეძენის შემთხვევაში არაფერს წავაგებთ“.
ჩვენ კი დავძენთ, რომ საქართველოს ნაკრების 19 წლის ნიჭიერი ფეხბურთელი „რუბინისთის“ დიდხანს არ გვემეტება.
