ვინ იცის რამდენი სიხარული და ბედნიერი წუთები უნდა ეჩუქებინა ქართველი გულშემატკივრისთვის.
ვინ იცის რა წარმატებული კარიერა ელოდა წინ და როგორ გაუთქვამდა ქვეყანას სახელს.
ვინ იცი, იქნებ ეროვნული ნაკრების კარიც შეეღო.
…და დარჩა მხოლოდ სევდა და მოუნელებელი ტკივილი.
„საბურთალოს“ 19 წლის ფეხბურთელის გიორგი შაქარაშვილის მკვლელობა მთელი ერისთვის მეხის გავარდნასავით იყო.
გიორგი შაქარაშვილი 20 წლის გახდებოდა. რთულია, რომ ამ სიტყვების წარსულში წერა გვიხდება.
„ზეცად ამაღლებული, ყველასათვის საყვარელი ჭაბუკი, ვინც ძალიან მცირე ხანს იცხოვრა, მაგრამ დიდზე-დიდი სიყვარული დატოვა.
გიორგი “საბურთალოს” დიდი ოჯახის ღირსეული წევრი იყო, ჩვენს გულებში ის ყოველთვის იცოცხლებს, მის ხსოვნას დავიწყება არ უწერია!“ – საფეხბურთო გუდნმა „საბურთალომ“ გიორგი შაქარაშვილს მის დაბადების დღეზე ეს პოსტი მიუძღვნა.
