ფეხბურთის ფედერაციის გენერალურმა მდივანმა პირველი არხის ეთერში საქართველოს ნაკრების სამომავლო გეგმებზე ისაუბრა.
როგორც დავით მუჯირისგან შევიტყვეთ, სექტემბერში და ოქტომბერში ჩვენი გუნდი ორ ამხანაგურ შეხვედრას გამართავს.
„ევროპაში ძალიან ცოტა გუნდია, რომელიც ჩვენსავით ხუთგუნდიან ჯგუფშია და ისვენებს. 99 პროცენტით გადაწყვეტილია სექტემბრის და ნოემბრის მეტოქეები. სავარაუდოდ, სექტემბერში ბულგარეთს შევხვდებით. ჯერ გადაწყვეტილი არ არის, ნოემბერში ვის შევხდებით. მოლაპარაკება გვაქვს ბელარუსთან, ლიეტუვასთან და ყაზახეთთან. სავარაუდოდ, ყაზახეთთან თბილისში თამაში მოგვიწევს. თუმცა, ჯერ ეს ოფიციალურად არ დადასტურებულა“, – განაცხადა მუჯირმა გადაცემა „ტაიმაუტის“ ეთერში.
ცნობისთვის, უკვე გადაწყვეტილია, რომ მიმდინარე წლის ივნისში საქართველოს ნაკრები ერთ ამხანაგურ მატჩს გამართავს. ვილი სანიოლის გუნდი 2 ივნისს რუმინეთის ნაკრებს ესტუმრება.
