ბრატისლავის „სლოვანის“ ოფიციალურ ვებ-გვერდთან ვრცელ ინტერვიუში გურამ კაშიამ რამდენიმე აქტუალურ თემაზე ისაუბრა, ერთ-ერთი ისაა, რა არ მოსწონს ფეხბურთელს საქართველოში და რატომ სურთ ამერიკაში წასვლა.
საქართველოს ნაკრების ვიცე-კაპიტანმა ასევე გაიხსენა ვლადიმირ ვაისის საქართველოს ნაკრებში მუშაობის ყველაზე დრამატული დღე – 2020 წლის 12 ნოემბერს ევროპის ჩემპიონატზე გასვლის დაკარგული ისტორიული შანსი, როდესაც საქართველოს ნაკრებმა ჩრდილოეთ მაკედონიასთან ევრო 2020-ის პლეი ოფის მატჩი წააგო.
„90-იან წლებში საქართველოდან ყველას ამერიკაში წასვლა უნდოდა. ეს „ამერიკული ოცნება“ იყო. მეც მინდოდა, ჩემთვის ახალი მსოფლიო აღმომეჩინა, ახალი კულტურა გამეცნო… ტემპით და სისწრაფეებით ნიდერლანდებზე წინ არიან. ეს გასაკვირია, მაგრამ ფაქტია. ფეხბურთი ამერიკაში სპორტის პირველი სახეობა არაა, მაგრამ ლიგის მარკეტინგი მაგრად მუშაობს.
ამერიკაში სპორტს 24 საათის განმავლობაში აჩვენებენ , ამერიკაში ბევრი ჩადის ლათინური ამერიკიდან, მათ ფეხბურთი ძალიან უყვართ. საქართველოში კი პირველ, მეორე და მესამე ადგილზე პოლიტიკა დგას. ეს მე არ მომწონს.
ნაკრებში უკვე 92 მატჩი ჩავატარე, 8 დამრჩა. ასე რომ, ოფიციალურად შემიძლია მალე საქართველოში ლეგენდა გავხდე. ნაკრებში 8 თამაშის ჩატარებას ერთი წელი მაინც სჭირდება. ვფიქრობ, შემიძლია ამის გაკეთება“, – განაცხადა ქართველმა ფეხბურთელმა.
