დავით ყიფიანის სახელობის საქართველოს თასის ფინალს პოლონელ მსაჯთა ბრიგადა განსჯის. ინფორმაციას საქართველოს ფეხბურთის ფედერაცია ადასტურებს.
“საბურთალოს” და წყალტუბოს “სამგურალის” მატჩის მთავარი მსაჯი იაროსლავ პშიბილი იქნება, ასისტენტები კი კონრად საპელა და არკადიუშ ვუიჩიკი იქნებიან. მე-4 არბიტრი კი ირაკლი კვირიკაშვილი იქნება.
შეგახსენებთ, რომ საქართველოს თასის ფინალი 8 დეკემბერს ქუთაისში გაიმართება და მატჩს სტადიონის ტევადობის 33% დაესწრება.
საქართველოს თასის მოგება ორივე გუნდისთვის ძალიან მნიშვნელოვანი იქნება, რადგან გამარჯვებული კონფერენს ლიგის საგზურს ავტომატურად მოიპოვებს.
