საქართველოს ოლიმპიური დელეგაციის მრავალრიცხოვანი ჯგუფი ტოკიოში გაემგზავრა. საქართველოს ნაკრების დელეგაციის სხვა წევრები იაპონიის დედაქალაქში ეტაპობრივად გაემგზავრებიან.
საქართველოს ოლიმპიურ დელეგაციას ზაფხულის ოლიმპიურ თამაშებზე საქართველოს ეროვნული ოლიმპიური კომიტეტის პრეზიდენტი ლერი ხაბელოვი უხელმძღვანელებს, რაც შეეხება ოლიმპიურ სოფელს, მისი ხელმძღვანელი ელგუჯა ბერიშვილი იქნება.
გამგზავრების წინ ქართველმა სპორტსმენებმა მედიასთან მცირე კომენტარი გააკეთეს:
ნინო სალუქვაძე – “ისეთი ქვეყანა ვართ ან ძაან მაგრები ვართ ან ძაან ცუდები, ჩვენ მხოლოდ ოქროები გვინდა, ეს სახელმწიფოს გადაწყვეტილებამაც აჩვენა, მაგრამ წინასწარ ჰოპს არ დავიძახებ ამას მხოლოდ ჩვენი საქმით გეტყვით.”
ვარლამ ლიპარტელიანი – “მე მინდა ყველას წარმატება ვუსურვო ვინც მივემგზავრებით ოლიმპიურ თამაშებზე. ვიტყვი, რომ ძალიან კარგი გუნდია ყველა სპორტის სახეობაში და ველოდებით ბევრ მედალს. მე იმედი მაქვს, რომ იქნება ერთ-ერთი გამორჩეული ოლიმპიადა და ყველაზე მეტ მედალს მოვიპოვებთ ქართველები, რა თქმა უნდა სინჯით ოქროებს უფრო მეტს ვიდრე აქამდე ყოფილა”
ზაფხულის 32-ე ოლიმპიური თამაშები სტარტს 24 ივლისს აიღებს და 8 აგვისტოს დასრულდება. საქართველოს ღირსებას 35 სპორტსმენი დაიცავს. ასეთია ჩვენი ოლიმპიელთა სია:
ნინო სალუქვაძე (ტყვიის სროლა)
ავთანდილ კენჭაძე (თავისუფალი ჭიდაობა, 74 კგ.)
ელიზბარ ოდიკაძე (თავისუფალი ჭიდაობა, 97 კგ.)
გენო პეტრიაშვილი (თავისუფალი ჭიდაობა, 125 კგ.)
რამაზ ზოიძე (ბერძნულ-რომაული ჭიდაობა, 67 კგ.)
ლაშა გობაძე (ბერძნულ-რომაული ჭიდაობა, 87 კგ.)
გიორგი მელია (ბერძნულრომაული ჭიდაობა, 97 კგ.)
იაკობ ქაჯაია (ბერძნულ-რომაული ჭიდაობა, 130 კგ.)
სახილ ალახვერდოვი (კრივი, 52 კგ.)
სანდრო ბაზაძე (ფარიკაობა, ხმალი)
ესკერხან მადიევი (კრივი, 69 კგ.)
გიორგი ხარაბაძე (კრივი, 75 კგ.)
ლაშა ტალახაძე (ძალოსნობა, +109 კგ.)
ანტონ პლესნოი (ძალოსნობა, 96 კგ.)
შოთა მიშველიძე (ძალოსნობა, 61 კგ.)
გოგა ჩხეიძე (ძალოსნობა, 67 კგ.)
გოგიტა არქანია (კარატე, კუმიტე +75 კგ.)
მარიამ იმნაძე (ცურვა, 100 მ. თავისუფალი სტილი)
დავით აბესაძე (ცურვა, 100 მ. თავისუფალი სტილი)
ნიკოლოზ ბასილაშვილი (ჩოგბურთი)
ტატიანა ლევიცკა-შუკვანი (ძიუდო, 52 კგ.)
ეთერ ლიპარტელიანი (ძიუდო, 57 კგ.)
ლუხუმ ჩხვიმიანი (ძიუდო, 60 კგ.)
ვაჟა მარგველაშვილი (ძიუდო, 66 კგ.)
ლაშა შავდათუაშვილი (ძიუდო, 73 კგ.)
ტატო გრიგალაშვილი (ძიუდო, 81 კგ.)
ლაშა ბექაური (ძიუდო, 90 კგ.)
ვარლამ ლიპარტელიანი (ძიუდო, 100 კგ.)
გურამ თუშიშვილი (ძიუდო, +100 კგ.)
სალომე ფაჟავა (მხატვრული ტანვარჯიში)
ლაშა ღულელაური (მძლეოსნობა, სამხტომი)
გიორგი მუჯარიძე (მძლეოსნობა, ბირთვის კვრა)
სოფიკო შათირიშვილი (მძლეოსნობა, ბირთვის კვრა)
ბაჩანა ხორავა (მძლეოსნობა, სიგრძეზე ხტომა)
ბენიკ აბრამიანი (მძლეოსნობა, ბირთვის კვრა)
