საქართველოს ნაკრების სამწუხარო მარცხი შვედეთში – როცა წაგებას არ იმსახურებ…

შვედეთში, სოლნას „ფრენდს არენაზე“ საქართველოს ეროვნულმა ნაკრებმა მსოფლიოს 2022 წლის ჩემპიონატის საკვალიფიკაციო ეტაპი დაიწყო.

ვილი სანიოლის დებიუტი შვედეთის ეროვნული ნაკრების წინააღმდეგ შედგა, სამწუაროდ ამ მატჩმა ბევრს გაორებული გრძნობა დაუტოვა, საბოლოოდ კი საქართველოს ნაკრები მინიმალური ანგარიშით დამარცხდა – 0:1.

ახალმა მთავარმა მწვრთნელმა უცნაური ძირითადი შემადგენლობა შეარჩია. ჩვენდა გასაკვირად გიორგი მიქაუტაძე აქ ვერ ვიხილეთ.

სანიოლმა ცენტრფორდვარდათ გიორგი ქვილითაია ათამაშა და როგორც აღმოჩნდა ეს უცუდესი გადაწყვეტილება გამოდგა, რადგან ის მოედანზე მყოფთაგან ალბათ ყველაზე სუსტად გამოიყურებოდა.

ქვილითაიას უკან ფლანგებზე ხვიჩა კვარაცხელია და საბა ლობჟანიძე თამაშობდნენ. ნახევარდაცვის ცენტრში სამი ფეხბურთელი იყო – კაბა კანკავა, გიორგი აბურჯანია და ნიკა კვეკვესკირი.

დაცვის ფლანგებზე დებიუტანტებმა ითამაშეს – გრიგოლ ჩაბრაძემ და გურამ გიორბელიძემ. უნდა აღინიშნოს, რომ გურამი შესანიშნავი იყო და მოედანზე ნამდვილი კაპიტანივით სწორედ ის თამაშობდა.

მე-14 წუთზე კვარაცხელიას პასით ქვილითაია მეკარესთან თითქმის პირისპირ გავიდა, მაგრამ ფორვარდმა ცუდად დაარტყა და მეკარემ იოლად გადაარჩინა შვედეთის ნაკრები. იმავე წუთზე კულუშევსკის დარტყმული ლორიამ კუთხურზე მოიგერია.

25-ე წუთზე ლორიამ ისაკის დარტყმული კუთხურზე მოიგერია. ეპიზოდი მარჯვენა მცველის პოზიციის ჩავარდნის შემდეგ შეიქმნა, ისაკს ბურთი თავით კლაესონმა დაუგდო. 27-ე წუთზე ლობჟანიძის ჩაწოდების შემდეგ ლუსტიგმა წამით დაასწრო კვარაცხელიას და გუნდი აშკარა საგოლე მომენტისგან იხსნა.

ნელნელა, შვედების უპირატესობა გამოიკვეთა, ერთხელ გუნდი გურამ კაშიამ იხსნა, როცა ისაკს წამით დაასწრო და ლიბეროს სტილში იმოქმედა, მაგრამ 35-ე წუთზე ზლატანმა ლუსტიგის ჩაწოდების შემდეგ საჯარიმოში ჩამოიღო ბურთი და ვიკტორ კლაესონს გაატანინა, რომელმაც ჩაბრაძეს აჯობა ორთაბრძოლაში.

მეორე ტაიმი საქართველოს ნაკრებმა ხვიჩა კვარაცხელიას გარეშე დაიწყო, რომელიც ოთარ კიტეიშვილმა შეცვალა. პირველი მომენტი საქართველოს ნაკრებს ჰქონდა, ჩაბრაძემ ჩააწოდა და აბურჯანიამ თავით ხელსაყრელი პოზიციიდან არაზუსტად დაარტყა.

მე-60 წუთზე სანიოლმა ორმაგი ცვლილება გააკეთა, მან მოედნიდან გუნდის კაპიტანი კანკავა და კვეკვესკირი გაიყვანა, მოედანზე კი გვილია და შენგელია გამოვიდნენ. გამოჩნდა, რომ გუნდი 4-1-4-1 ტაქტიკურ სქემაზე გადაეწყო.

82-ე წუთზე აბურჯანიას პასის შემდეგ შენგელიამ დაარრტყა, მაგრამ შევდეთის ნაკრები ნორდფელდტმა გადაარჩინა. ბოლო წუთებში სანიოლმა კიდევ ერთი დებიუტანტი შეუშვა – გიორგი მიქაუტაძე.

საერთო სურათი რომ შევაფასოთ, სუსტი მატჩი ჰქონდათ დვალს, კანკავას, აბურჯანიას და რა თქმა უნდა ქვილითაიას. განსაკუთრებულად თამაში შეცვლაზე შემოსულმა ვერც ერთმა მოთამაშემ გამოაცოცხლა.

იმედია ამ მატჩიდან ვილი სანიოლი სწორ დასკვნებს გამოიტანს და ესპანეთთან, რომელმაც თავის მხრივ ქულები საბერძნეთთან (1:1) დაკარგა, ბევრად დალაგებულ ნაკრებს ვიხილავთ.

საქართველოს ნაკრები მორიგ მატჩს „დინამო არენაზე“ 28 მარტს ზემოთ ხსენებული ესპანეთის წინააღმდეგ გამართავს. ეს შეხვედრა 20:00-ზე დაიწყება და მატჩს 15 ათასი მაყურებელი დაესწრება.