ფეხბურთის ფედერაციის გენერალურმა მდივანმა პირველი არხის ეთერში საქართველოს ნაკრების ახალი მწვრთნელის, ვილი სანიოლის შესახებ ისაუბრა.
გადაცემა „ტაიმაუტში“ სტურმობისას მუჯირმა სანიოლის დანიშვნაზე ფედერაციის გადაწყვეტილება განმარტა.
„ფეხბურთში წარმატების ფორმულა არ არსებობს, მაგრამ კარგია, რომ დავნიშნეთ მწვრთნელი, რომელიც ბევრ კრიტერიუმს აკმაყოფილებს. სანიოლი უკვე კარგად იცნობს ჩვენს გუნდს და მასთან გასაუბრებამ დაგვარწმუნა, რომ სწორედ ის კანდიდატია, რომელიც იმედს გვაძლევს. სანიოლი ამბიციურია, ჩემპიონთა ლიგის გამარჯვებული და მსოფლიოს ვიცე-ჩემპიონი. იძულებითი პაუზის შემდეგ წარმატების მიღწევა სურს. ეს გვაფიქრებს, რომ სწორედ ის კანდიდატია, რომელიც დღეს ჩვენს ნაკრებს სჭირდება“, – განაცხადა მუჯირმა.
მისივე თქმით, ფრანგი სპეციალისტის სურვილია, რომ სამწვრთნელო შტაბში სამმა ქართველმა ასისტენტმა იმუშაოს.
„სანიოლს საქართველოში მხოლოდ ერთი ჩამოყვანილი ასისტენტი ეყოლება. მისი სურვილია, რომ მეკარეების მწვრთნელი, ერთი ასისტენტი და ანალიტიკოსი ქართველი იყოს. ის საქართველოში ერთ კვირაში ჩამოვა და მუშაობას შეუდგება“, – ამბობს მუჯირი.
