26 წლის გერმანელი ნახევარმცველი, საიმონ სეფერინგსი კარიერას თბილისის „საბურთალოში“ გააგრძელებს. ინფორმაცია კლუბის Facebook-გვერდზე გავრცელდა.
ფეხბურთელი „საბურთალოს“ თავისუფალი აგენტის სტატუსით შეუერთდა, კონტრაქტის დეტალები კი ჯერჯერობით უცნობია.
სეფერინგსი მიუნხენის „ბაიერნის“ აკადემიის აღზრდილია. გამოცდილ შუახაზელს სხვადასხვა დროს „მიუნხენ 1860“-ში „გარჩინსა“ და „ჰეინშტენში” უთამაშია, ბოლოს კი „ალემანიას“ ღირსებას იცავდა.
