საქართველოს ერთ-ერთი ისტორიული კლუბი საჩხერის “ჩიხურა” ეროვნულ ლიგა 3-ში დაქვეითდა. იმერულმა გუნდმა ბოლოს ქულა 27 ივნისს “ვიტ ჯორჯიას” წინააღმდეგ აიღო.
”ჩიხურა” 14 ოქტომბერს ეროვნული ლიგა 2-ის მატჩში “გაგრას” ესტუმრა ანგარიშით 0:2 დამარცხდა და ეროვნულ ლიგა 3-ში დაქვეითება გაინაღდა.
იმერული კლუბი 2006 და 2012 წლებში საქართველოს ჩემპიონი გახდა, 2017 წელს კი საქართველოს თასი მოიგო. ქართული კლუბი 2013/2014 წლების სეზონში ევროპის ლიგის საკვალიფიკაციო ეტაპზე საკმაოდ წარმატებით გამოვიდა, “ჩიხურამ” ლიხტენშტეინის თასის მფლობელი “ვადუცი” დაამარცხა, შემდეგ კი “თუნთან” დამარცხდა, რომელმაც საბოლოო ჯამში ევროპა ლიგის ფინალურ ეტაპზეც იასპარეზა.
კლუბის კრიზისი 2019 წელს დაიწყო, ყველა ფეხბურთელმა და კლუბის მთავარმა მწვრთნელმა სოსო ფრუიძემ კლუბი დატოვეს, 2020 წელს კი “ჩიხურამ” წყალტუბოს “სამგურალთან” ფლეი-აუთის შეხვედრა წააგო და ეროვნულ ლიგას დაემშვიდობა.
იმერული კლუბი ეროვნულ ლიგა 2-ში 29 ტურის შემდეგ 6 ქულით ბოლო მე-10 ადგილზე იმყოფება.
