გავლენიანი სპორტული გამოცემა Sofascore-ის ვერსიით, საქართველოს ნაკრებისა და “ჰატაისპორის” 27 წლის ფეხბურთელი, საბა ლობჟანიძე თურქეთის ჩემპიონატის 21-ე ტურის სიმბოლურ გუნდში მოხვდა.
საბა ლობჟანიძემ “გალათასარაის” წინააღმდეგ დუბლი შეასრულა და ტურის სიმბოლურ გუნდში ადგილიც დამსახურებულად მოიპოვა.
საბამ Sofascore-ის მიერ 8.1 შეფასება დაიმსახურა, ქართველ ფეხბურთელს მხოლოდ ორმა მოთამაშემ აჯობა. “ჰატაისპორის” შენადგენლობიდან სიმბოლურ გუნდში ლობჟანიძესთან ერთად მამე დიოფი მოხვდა.
შეგახსენებთ, რომ საბა ლობჟანიძე მშვენიერ ფორმაშია, 27 წლის ქართველმა ფეხბურთელმა მიმდინარე სეზონში თურქეთის სუპერლიგაში 20 შეხვედრაში 6 გოლი გაიტანა და 6 საგოლე გადაცემა შეასრულა.
