საქართველოს ნაკრების 29 წლის ცენტრალურ მცველს საბა კვირკველიას მოსკოვის “ლოკომოტივთან” კონტრაქტი ამოეწურა.
რუსული კლუბი ქართველ ფეხბურთელს, რომელმაც გასული სეზონი იჯარით ვოლგოგრადის “როტორში” გაატარა, უკვე დაემშვიდობა და კარიერაში წარმატებები უსურვა, თავად კვერკველია კი ახალი კლუბის ძიებაშია და როგორც რუსულ მედიასთან ინტერვიუში აღნიშნავს, ევროპის ტოპ ჩემპიონატის კლუბის ვარიანტს განიხილავს.
ქართველმა მცველმა, რომელმაც მთელი კარიერა რუსეთში გაატარა, თავის სამომავლო გეგემბზე ისაუბრა:
“რისთვისაც ლოკომოტივში მივედი, ყველაფერი მივიღე, ახლა კი დროა, ევროპაში წავიდე და თავი ევროპულ ჩემპიონატში გამოვცადო. რუსეთში ჩემი უკვე ვითამაშე, ყველაფერი მოვიგე, ჩემი გამოვიმუშავე და მეყოფა. რა თქმა უნდა, ჩემს მომავალთან დაკავშირებით კონკრეტიკა არის და მალე ნახავთ. ეს ევროპის TOP5 ჩემპიონატის კლუბია”.
