მოსკოვის „ცსკა“ ევროლიგის რეგულარული გათამაშების ლიდერი გახდა. ეს მას შემდეგ გაირკვა, რაც რუსულმა გუნდმა მე-14 ტურის დაპირისპირებაში თურქული „ეფესი“ დაამარცხა. ისე, ის რაც „ცსკამ“ მეტოქეს დამართა ამას მხოლოდ გამარჯვება არ ჰქვია. რუსული გუნდის კალათბურთელებმა სტამბოლური კლუბი პარკეტიდან გააქრეს, რაზეც ეს გამანადგურებელი ანგარიშიც მეტყველებს – 100:66.
ჩვენი ინტერესი კი „ცსკას“ მიმართ მხოლოდ თორნიკე შენგელიაა, თორემ არა გვგონია საქართველოში ამ გუნდს ვინმე დიდად ქომაგობდეს. თოკოს წარმატება კი რა თქმა უნდა ყველგან და ყოველთვის გვეამება.
საქართველოს ნაკრების კაპიტანმა მატჩი სასტარტო ხუთეულში დაიწყო, თუმცა საბოლოოდ ისე გამოვიდა, რომ მწვრთნელმა მას 17 წუთზე მეტი არ მისცა. ამ დროში კი თოკომ 8 ქულის მოგროვება შეძლო. ეს შედეგი კი შენგელიამ პირველ ტაიმში დააფიქსირა, მეორეში კი მეტოქის კალათში ბურთის მოთავსება ვეღარ შეძლო. 8 ქულას, თოკო 2-2 მოხდა-ასისტიც მიაყოლა.
როგორც თავში ავღნიშნეთ, ამ მოგებით „ცსკა“ სატურნირო ცხრილში პირველ ადგილზე გადავიდა. მომდევნო მატჩს რუსული გუნდი 18 დეკემბერს სანქტ-პეტერბურგის „ზენიტთან“ გამართავს.
