რუსეთის პრემიერლიგის 2021/22 წლების სეზონის პირველი წრე დასრულდა და ადგილობრივმა სპორტულმა გამოცემამ football24-მა ის მოთამაშეები შეაფასა, ვინც ამ სეზონში იმედები გაუცრუა ქომაგს.
ამ სიაში ხვიჩა კვარაცხელიაც მოხვდა, რომელიც დიდი გამოხმაურების მიუხედავად ზაფხულში ევროპაში ვერ წავიდა და კარიერას ისევ რუსეთში აგრძელებს.
„გასულ სეზონში არამხოლოდ „რუბინის“, მთლიანად რუსეთის პრემიერ ლიგის ერთ-ერთი საუკეთესო მოთამაშე ამ შემოდგომაზე ჩაიკარგა. ერთადერთი, რაც კვარაცხელიამ მოახერხა, ეს დრიბლინგების სტატისტიკაში მეორე ადგილია. ასევე, ის წარმატებით გამოიმუშავებს ჯარიმებს“, – წერს გამოცემა.
ხვიჩამ რუსეთის პრემიერ ლიგის 2021/22 წლების პირველ წრეში “რუბინის” მაისურით 12 მატჩში ერთი გოლი გაიტანა და ორი საგოლე პასი მიითვალა.
ყაზანურმა კლუბმა 22 ქულა მოაგროვა და სატურნირო ცხრილში მე-8 ადგილზეა.
მომდევნო მატჩს “რუბინი” 28 ნოემბერს, შინ მოსკოვის “დინამოსთან” გამართავს.
