ესპანეთის ნაკრების მთავარმა მწვრთნელმა, ლუის ენრიკემ ეურო 2020-ში მონაწილეობის მისაღებად 26-კაციანი შემადგენლობა დაასახელა.
ყველასთვის გასაკვირად, განაცხადში ვერ მოხვდა მადრიდის „რეალის“ და ესპანეთის ნაკრების ლეგენდა სერხიო რამოსი. 35 წლის ფეხბურთელს ტრავმები აწუხებდა და ლა ლიგის ბოლო შეხვედრებშიც ვერ მიიღო მონაწილეობა, რაც ლუის ენრიკეს გადაწყვეტილებას ამართლებს. სამაგიეროდ შემადგენლობაშია აემერიკ ლაპორტი, რომელმაც მოქალაქეობა შეიცვალა და „ფურია როხას“ რიგებში გამოსვლა არჩია.
ლუის ენრიკეს არჩევანი ასე გამოიყურება:
მეკარეები: უნაი სიმონი (ატლეტიკ ბილბაო, ესპანეთი), დავიდ დე ხეა (მანჩესტერ იუნაიტედი, ინგლისი), რობერტ სანჩესი (ბრაიტონი, ინგლისი).
მცველები: ხოსე გაია (ვალენსია, ესპანეთი), ხორდი ალბა (ბარსელონა, ესპანეთი), პაუ ტორესი (ვილიარეალი, ესპანეთი), აემერიკ ლაპორტი (მანჩესტერ სიტი, ინგლისი), ერიკ გარსია (მანჩესტერ სიტი, ინგლისი), დიეგო ლორენტე (ლიდსი, ინგლისი), სეზარ ასპილიკუეტა (ჩელსი, ინგლისი).
ნახევარმცველები: მარკუს ლორენტე (მადრიდის ატლეტიკო, ესპანეთი), სერხიო ბუსკეცი (ბარსელონა, ესპანეთი), როდრი (მანჩესტერ სიტი, ინგლისი), პედრი (ბარსელონა, ესპანეთი), ტიაგო ალკანტარა (ლივერპული, ინგლისი), კოკე (მადრიდის ატლეტიკო, ესპანეთი), ფაბიან რუისი (ნაპოლი, იტალია), დანი ოლმო (ლაიპციგი, გერმანია).
თავდამსხმელები: მიკელ ოიარზაბალი (რეალ სოსიედადი, ესპანეთი), ხერარდ მორენო (ვილიარეალი), ალვარო მორატა (იუვენტუსი, იტალია), ფერან ტორესი (მანჩესტერ სიტი, ინგლისი), ადამა ტრაორე (ვულვზი, ინგლისი), პაბლო სარაბია (პსჟ, საფრანგეთი).
შეგახსენებთ, რომ ევროპის ჩემპიონატზე ესპანეთის ნაკრები E ჯგუფში გამოვა, სადაც შვედეთის, პოლონეთის და სლოვაკეთის ნაკრებებს დაუპირისპირდება.
