ეროვნული ლიგის 21-ე ტურში ქობულეთის “შუქურამ” საშინაო მატჩი ფოთში “სამტრედიის” წინააღმდეგ გამართა და 2:0 მოიგო. აღნიშნულ შეხვედრაში გოლები 57-ე წუთზე ჯეფერსონ ჯერალდომ ხოლო 64-ე წუთზე ზურაბ მუსელიანმა გაიტანეს.
მიმდინარე სეზონში “შუქურამ” ეროვნულ ჩემპიონატში მეოთხე გამარჯვება მოიპოვა და 20 ქულით ჯერჯერობით მეშვიდე ადგილზეა. აღსანიშნავია, რომ გიორგი შაშიაშვილის გუნდმა ექვსმატჩიანი მოუგებელი სერია ამ მატჩში შეწყვიტა. რაც შეეხება სამტრედიას, ეს გუნდი ბოლო ადგილზე 10 ქულით იმყოფება და 21 შეხვედრაში 15 წაგება აქვს.
მომდევნო ტურში, 7 აგვისტოს სამტრედია ბათუმის “დინამოს” სტუმრად დაუპირისპირდება , ქობულეთის“შუქურა” თბილისის “ლოკომოტივს” შეხვდება.
