ქართველთა მეტოქეები – უეფამ ევროპა ლიგაც დააწყვილა

ჩემპიონთა ლიგის პლეიოფის წილისყრის შემდეგ, შვეიცარიის ქალაქ ნიონში ევროპა ლიგის 1/16 ფინალისტების დაწყვილების დროც დადგა.

ბუნებრივია, ჩვენ ინტერესს უპირველესაც ქართველ ლეგიონერთა გუნდები იწვევენ, რომლებიც ევროპის რანგით მეორე საკლუბო ტურნირის პლეიოფში გავიდნენ. ესენი კი ავსტრიული „ვოლსბერგერი“ და უკრაინული „შახტარია“, სადაც შესაბამისად ლუკა ლოჩოშვილი, გიორბელიძე და დათო ხოჭოლავა ირიცხებიან.

თუ ერთგვარად ხოჭოლავას „შახტარს“ გაუმართლა, რომელსაც მეტოქედ თელ-ავივის „მაკაბი ერგო, თამამად შეიძლება ითქვას, რომ „ვოლსბერგერს“ ძალზედ რთულ მოწინააღმდეგესთან მოუწევს ურთიერთობის გარკვევა. ჟოზე მოურინიოს „ტოტენჰემი“ საჩუქარი ნამდვილად არცერთი გუნდისთვის არ არის.

საბოლოოდ, დანარჩენი წყვილები ასე გადანაწილდა:

ვოსლბერგერი – ტოტენჰემი

დინამო კიევი – ბრიუგე

სოსიედადი – მანჩესტერ იუნაიტედი

ბენფიკა – არსენალი

ცრვენა ზვეზდა – მილანი

ანტვერპენი – რეინჯერსი

სლავია – ლესტერი

ზალცბურგი – ვილიარეალი

ბრაგა – რომა

კრასნოდარი – ზაგრების დინამო

იანგ ბოისი – ლევერკუზენი

მიოლდე – ჰოფენჰაიმი

გრანადა – ნაპოლი

მაკაბი – შახტარი

ლილი – აიაქსი

ოლიმპიაკოსი – პსვ

საინტერესოა, რომ ევროპა ლიგის პლეიოფში სულ 19 ქვეყნის გუნდია წარმოდგენილი. პლეიოფის მატჩები 18-25 თებერვალს გაიმართება. ფინალს 26 მაისს პოლონეთის ქალაქი გდანსკში უმასპინძლებს.