პსჟ-ს ბრაზილიელმა სუპერვარსკვლავმა ნეიმარმა კლუბთან კონტრაქტი გაახანგრძლივა.
ჟურნალისტ ფაბრიციო რომანოს თქმით, ბრაზილიელმა პარიზელებთან ახალი ხელშეკრულება უკვე გააფორმა. ფორვარდის ახალი კონტრაქტი პსჟ-სთან ძალაში 2026 წლის ივნისამდე იქნება.
ნეიმარი გადასახადებისა და პრემიების გარეშე წელიწადში დაახლოებით 30 მილიონ ევროს მიიღებს. შეთანხმებაში პსჟ-ს ჩემპიონთა ლიგაში გამარჯვების შემთხვევაში დიდი ბონუსიც არის გაწერილი.
როგორც ცნობილია, კლუბი ნეიმართან კონტრაქტის გაგრძელების შესახებ მალე გამოაცხადებს.
ნეიმარი პსჟ-ს ბარსელონადან 2017 წელს 222 მილიონ ევროს სანაცვლოდ შეუერთდა. პარიზელების შემადგენლობაში ის საფრანგეთის სამგზის ჩემპიონი გახდა და 2020 წელს ჩემპიონთა ლიგის ფინალამდეც მიაღწია, თუმცა მოგება არ გამოუვიდა.
