ფრენკ ლამპარდი: მეტ დროს ველოდი, გულდაწყვეტილი ვარ

2019 წლის ოქტომბერში ის პრემიერლიგის თვის საუკეთესო მწვრთნელად აღიარეს, მაშინ როდესაც „ჩელსის“ თავკაცად სულ რამოდენიმე თვის დანიშნული იყო.

ფრენკ ლამპარდი არისტოკრატებს 18 თვის მანძილზე წრთვნიდა, 2020 წლის 25 იანვარს კი თანამდებობიდან დაითხოვეს. რა თქმა უნდა, ის გულდაწყვეტილია და ამას არც მალავს.

„ეს 18 თვე ჩემთვის დაუვიწყარი იქნება, მაგრამ ამავდროულად იმედგაცრუებულიც ვარ. მეგონა მეტ დროს მომცემდნენ, რაღა გუნდი, რომელიც ჩემთვის ესოდენ მნიშვნელოვანია ახალ დონეზე ამეყვანა.

მინდა გულშემატკივრებს მადლობა გადავუხადო იმ გვერდში დგომისთვის და მხარდაჭერისთვის, რომელსაც მათგან ამ ხანმოკლე დროის მანძილზე მუდამ ვგრძნობდი. სამწუხაროა, რომ ეს თავგადასავალი დასრულდა.

ჩელსის მთავარ მწვრთნელობას რომ ვთანხმდებოდი, ზუსტად ვიცოდი რა რთული გამოწვევების წინაშე დავდგებოდი, თუმცა ამისთვის მზად ვიყავი. ვამაყობ იმ ფეხბურთელებით, ვისთანაც მუშაობა მომიწია. განსაკუთრებით აკადემიის ბიჭებით.

მიუხედავად გულდაწყვეტისა, მინდა რომან აბრამოვიჩს, გუნდის დირექტორთა საბჭოს და კლუბის თითოეულ წევრს მადლობა გადავუხადო. ჩელსის ყოველთვის წარმატებებს ვუსურვებ“ – აღნიშნა ფრენკ ლამპარდმა გათავისუფლების შემდეგ.