ქუთაისის ტორპედო კრიზისში იმყოფება, ფეხბურთელებმა ვარჯიშებზე და თამაშებზე უარი განაცხადეს.
მეტიც, ეროვნული ლიგის 21-ე ტურში ქუთაისელები საბურთალოს U19 და U17-ის ფეხბურთელებით დაუპირისპირდნენ და 0-3 დამარცხდნენ.
ოფიციალურად დადასტურდა, რომ განელი ლეგიონერი სამუელ ინკუმი ტორპედოში აღარ ითამაშებს. ინკუმმა გუნდთან არსებული კონტრაქტი გაწყვიტა და კარიერას სხვა გუნდში გააგრძელებს.
სამუელ ინკუმი “ტორპედოს” სოციალური ქსელის საშუალებით დაემშვიდობა:
‘მადლობა იმ პერიოდისთვის, რომელიც ქუთაისის ტორპედოში გავატარე! მადლობა მწვრთნელებს, გუნდის მენეჯერებს და კლუბის თითოეულ წევრს!
ახლა წასვლის დროა და მინდა მომავალში წარმატებები გისურვოთ!
არასდროს დამავიწყდება ის შესანიშნავი გულშემატკივარი, რომელიც მაძლიერებდა და მოტივაციას მაძლევდა! ფანებო, ყოველთვის ჩემს გულში იქნებით!
წარმატებები ქუთაისის ტორპედოს.” – წერს ინკუმი სოციალურ ქსელში.
გავრცელებული ცნობით, ტორპედო უკვე დატოვეს იტალიელმა ინვესტორებმა და კლუბი ახალი ინვესტორის მოლოდინშია.
