„მანჩესტერ სიტიმ“ როგორც იქნა ჩემპიონთა ლიგის ფინალში კი გააღწია, მაგრამ სანუკვარ თასს მაინც ვერ შესწვდა.
„ქალაქელები“ ბევრს კი ეცადნენ, მაგრამ ყოჩაღად მოთამაშე „ჩელსის“ წინააღმდეგობა ვერ დაძლიეს. არისტოკრატებმა მინიმალური სხვაობით 1:0 მოიგეს და არსებობის ისტორიაში ჩემპიონთა ლიგა მეორედ მოიგეს.
პეპ გვარდიოლამ „ბარსელონას“ შემდეგ, ევროპის ყველაზე პრესტიჟული საკლუბო ტურნირი კვლავ ვერ მოიგო. მატჩის შემდეგ ბუნებრივია ის ნირწამხდარი იყო.
„ჩემპიონთა ლიგის ფინალში ჩემი გუნდი პირველად იყო. ამის გათვალისწინებით კი ცუდად არ გვითამაშია, თუმცა რთული მატჩი რომ იქნებოდა ისედაც ვიცოდით.
ფეხბურთელებმა მაქსიმუმი გაიღეს, მაგრამ ეს ფეხბურთია. დღეს ჩვენი დღე არ იყო, არ გაგვიმართლა. მეორე ტაიმში მეტოქეს მხოლოდ ერთი მომენტი ჰქონდა, ჩვენ კი არართი შანსი გავანიავეთ. მინიმუმ ერთ გოლს ნამდვილად ვიმსახურებდით, მაგრამ ვერ გავიტანეთ“ – აღნიშნა პეპ გვარდიოლამ.
