ამას წინათ, ლიონელ მესიმ რომ პელეს რეკორდი დაამხო, რაც ერთ კლუბში გატანილ გოლებში აისახეხა მსოფლიოს პრესის ფურცლები თუ პორტალები უკვე მოიარა და მოძველდა, მაგრამ აგერ უკვე ახალი არანაკლებ მნიშვნელოვანი მიღწევაც გამოიჩეკა.
ამჯერად, ლეგენდარულ ბრაზილიელს კრიშტიანო რონალდუმ შეუტია და ახალი ისტორიაც დაიწერა. იტალიის ჩემპიონატის მორიგ ტურში „იუვენტუსმა“ „უდინეზეს“ უმასპინძლა და 4:1 დაამარცხა. დუბლი რონალდუმ მიითვალა, თუმცა ამაში გასაკვირი არაფერი იყო, გაცილებით მნიშვნელოვანი ის რეკორდი გამოდგა, რომელიც პორტუგალიელმა სუპერვარსკლავმა გამოჩეკა. რონალდუს მიერ „უდინეზეს“ კარში გატანილი მეორე გოლი ისტორიული გამოდგა.
საქმე იმაში გახლავთ, რომ პორტუგალიელის ანგარიშზე უკვე 758 გოლია და ამით სწორედ პელეს რეკორდი დაემხო. საუბარია კლუბში და ნაკრებში ჯამში გატანილ გოლებზე. პელეს ანგარიშზე 757 გოლი გახლდათ.
რონალდუ ამ მაჩვენებლით მეორე ადგილზე დასკუპდა, პირველზე კი ავსტრიელი იოზებ ბიკანია, რომელმაც 1931-1955 წლებში ჯამში 805 გოლს მოუყარა თავი.
