“ფეხბურთის მეფე”, იგივე ედსონ არანტეს დუ ნასიმენტუ პელე საავადმყოფოდან გამოწერეს და თავს კარგად გრძნობს.
შეგახსენებთ, რომ შარშან პელეს მსხვილ ნაწლავზე სიმსივნე მოკვეთეს და ის ამჟამადაც აგრძელებს მკურნალობას.
საგულისხმოა, რომ პელემ რამდენიმე დღის წინ უკრაინას მხარდაჭერა გამოუცხადა და თქვა, რომ სიყვარულმა, თავისუფლებამ და მშვიდობამ უნდა გაიმარჯვოს.
ცნობისთვის, პელემ “სანტოსში” თამაში 15 წლის ასაკში დაიწყო, ბრაზილიის ეროვნულ ნაკრებში კი 16 წლისას გამოიძახეს.
მან თავისი პირველი მსოფლიო ჩემპიონატი 17 წლისას მოიგო. ევროპული კლუბებისაგან უამრავი შემოთავაზებების მიუხედავად, პელეს ბრაზილია არ დაუტოვებია. 1961 წელს ქვეყნის პრეზიდენტმა, ჟანიუ კუადროსმა ლეგენდარული ფეხბურთელი “ეროვნულ საგანძურად” გამოაცხადა.
პელემ “სანტოსთან” ერთად, 1962 და 1963 წლებში ლიბერტადორესის თასი მოიგო, დანარჩენ წლებში კი მას სამხრეთ ამერიკის ყველა პრესტიჟული ტურნირი აქვს მოპოვებული.
