ევროპა ლიგის საკვალიფიკაციო ეტაპის პლეიოფში ოთარ კიტეიშვილის “შტურმი” “მურას” დაუპირისპირდა.ავსტრიელები ამ წყვილში ფავორიტად მოიაზრებიან და ეს სტატუსი პირველივე მატჩში გაამართლეს.
„შტურმმა“ 3-1 იმარჯვა და ქართველმა ფეხბურთელმა ავსტრიელთა წარმატებაში უდიდესი წვლილი შეიტანა. მატჩის სტარტზე სტუმრები დიდ უპირატესობას ფლობდნენ, თუმცა ანგარიში მასპინძლებმა გახსნეს და „მურა“ სკოფლეკის გოლით დაწინაურდა. მიღებული ბურთის შემდეგ, „შტურმმა“ მოუმატა და მე-18 წუთზე კიტეიშვილის წაქცევის გამო პენატლის დარტყმის უფლება მოიპოვა. თერთმეტმეტრიანი იანტშჩერმა შეაგდო და წონასწორობა აღადგინა.
მეორე ტაიმში „შტურმმა“ მეტოქის კარი 2-ჯერ აიღო. მე-60 წუთზე, კიტეიშვილმა თავური დარტყმით საკუთარი გუნდი წინ გაიყვანა, 3 წუთში კი იებოამ საბოლოო ანგარიში დააფიქსირა.
კიტეიშვილმა მოედანზე 76 წუთი გაატარა და „შტურმის“ იერიშებს აქტიურად ამწვავებდა. ქართველი ორივე გუნდის რიგებში საუკეთესო იყო.
შეგახსენებთ, რომ „შტურმისა“ და „მურას“ განმეორებითი შეხვედრა 26 აგვისტოს გაიმართება და მატჩი თბილისის დროით, 23:00-ზე დაიწყება.
