საქართველოს ნაკრების და გრაცის „შტურმის“ ნახევარმცველი, ოთარ კიტეიშვილი მოედანს მალე დაუბრუნდება.
25 წლის ფეხბურთელმა სექტემბრის ბოლოს მძიმე ტრავმა მიიღო, რის გამოც ოპერაციის გაკეთება მოუწია და გამოჯანმრთლების პროცესი 4 თვე გაიწელა.
რამდენიმე დღის წინ ქართველ ფეხბურთელს კიდევ ერთი ოპერაცია გაუკეთეს და ტერფიდან ფიქსატორები ამოუღეს. კიტეიშვილმა სარეაბილიტაციო პროცესი უკვე დაიწყო და ის მოედანს სავარაუდოდ თვის ბოლოს დაუბრუნდება.
ქართველმა ფეხბურთელმა krone.at-თან თავის მდგომარეობაზე ისაუბრა:
„ახლა სიარული არ შემიძლია, მაგრამ დაბრუნების დრო შორს არაა. ამ ხანგრძლივი, იძულებითი შესვენების შემდეგ მოუთმენლად ველოდები იმ დღეს, როდესაც ისევ ვითამაშებ“, – განაცხადა კიტეიშვილმა.
ოთარ კიტეიშვილმა გასულ სეზონში გრაცის „შტურმის“ რიგებში, ყველა ტურნირზე 14 შეხვედრაში 4 გოლი გაიტანა და ამდენივე საგოლე გადაცემა გააკეთა.
