ოთარ კიტეიშვილმა ტრავმა გასული წლის სექტემბერში მიიღო და მოედანზე დაბრუნებას ჯერჯერობით ვერ ახერხებს.
აღნიშნული თემის შესახებ, გრაცის “შტურმის” მმართველმა დირექტორმა, ანდრეას შიკერმა ისაუბრა.
“კიტეიშვილს კოჭზე ძვლის ტვინის შეშუპება აქვს. გარკვეული დრო ისევ დასჭირდება. მისი ამჟამინდელი მდგომარეობიდან ჩანს, რომ სეზონის განახლებისთვის მზად ვერ იქნება. ძალიან არასასიამოვნო მდგომარეობაში ვართ, რადგან ყველამ კარგად იცის, თუ რამდენად მნიშვნელოვანი ადამიანია ოთარი ჩვენი კლუბისთვის და რამდენად მნიშვნელოვანი მოთამაშე გუნდისათვის. მისი გამოჯანმრთელება რაც შეიძლება სწრაფად უნდა მოვახერხოთ, ვნახოთ რა გამოგვივა,” – თქვა შიკერმა.
შეგახსენებთ, რომ ოთარ კიტეიშვილმა ტრავმა 30 სექტემბერს მიიღო, როდესაც “შტურმი” ევროპა ლიგის ჯგუფურ ეტაპზე პსვ ეინდჰოვენს დაუპირისპირდა.
