მადრიდის რეალმა ფრანგ სპეციალისტ ზინედინ ზიდანთან მისი ინიციატივით, თანამშრომლობის შეწყვეტის შესახებ გამოაცხადა.
„ზინედინ ზიდანმა კლუბის მთავარი მწვრთნელის პოსტიდან გადადგომა გადაწყვიტა.
დროა პატივი ვცეთ მის გადაწყვეტილებას და მისი პროფესიონალიზმისთვის, ერთგულებისა და წლების განმავლობაში გუნდის უმაღლეს დონეზე გაძღოლოსთვის მადლიერება გამოვხატოთ.
ზიდანი მადრიდის რეალის ერთ-ერთი უდიდესი ლეგენდაა და ეს ჩვენი კლუბის მწვრთნელისა და მოთამაშის მიღმაა.
მან იცის, რომ ის მუდამ მადრიდისტების გულშია, რომ რეალი არის და ყოველთვის იქნება მისი სახლი”, – ნათქვამია მადრიდის რეალის განცხადებაში.
მცირეხნიანი პაუზის შემდეგ რეალში დაბრუნებულმა ზიდანმა, კლუბთან ერთად ესპანეთის ჩემპიონატი და ესპანეთის სუპერთასი მოიგო. გასულ სეზონში, მადრიდის რეალმა ჩემპიონთა ლიგის ნახევარფინალამდე მიაღწია, ხოლო ლა ლიგაში მეორე ადგილზე გავიდა.
ზიდანი მადრიდის რეალს 2016 წლიდან 2018 წლამდეც ხელმძღვანელობდა. ამ დროის განმავლობაში მან „სამფო კლუბს“ ჩემპიონთა ლიგაში ზედიზედ სამი გამარჯვება მოაპოვებინა. ასევე, მისი ხელმძღვანელობით, რეალმა მოიგო ესპანეთის ჩემპიონატი, ქვეყნის სუპერთასი, ორი უეფას სუპერთასი და ორჯერ მოიგო კლუბების მსოფლიო ჩემპიონატი.
