ინგლისურმა “უოტფორდმა” 41 წლის ესპანელი სპეციალისტი ჩისკო მუნიოსი მთავარი მწვრთნელობის პოსტიდან გაათავისუფლა. ბრიტანულმა კლუბმა ინფორმაცია სოციალურ ქსელში გაავრცელა.
ჩისკო “უოტფორდს” გასულ სეზონში თბილისის “დინამოდან” დათხოვნის შემდეგ შეუერთდა და კლუბი ჩემპიონშიფიდან პრემიერ ლიგაში დააწინაურა.
მიმდინარე სეზონში ახალგაზრდა სპეციალისტის გაწვრთნილმა გუნდმა პრემიერ ლიგის 7 ტურში ამავე რაოდენობის ქულა მოიპოვა და ცხრილში მე-14 ადგილს იკავებს.
ჯერჯერობით უცნობია, თუ ვინ იქნება “უოტფორდის” ახალი მთავარი მწვრთნელი.
ℹ Watford FC confirms Xisco Muñoz has left his post as the club's Head Coach.
— Watford Football Club (@WatfordFC) October 3, 2021
