დინამო თბილისმა საფეხბურთო კლუბ „საბურთალოსთან“ ნიკა მალის გამოსყიდვის თაობაზე შეთანხმებას მიაღწია. მარჯვენა მცველი დინამოს თურქულ შეკრებაზე შეუერთდა და კლუბთან კონტრაქტი 2024 წლის ბოლომდე გააფორმა.
ნიკა მალი „საბურთალოს“ საფეხბურთო აკადემიის აღზრდილია და პროფესიული საფეხბურთო კარიერაც აღნიშნულ კლუბში დაიწყო. მალიმ თბილისურ კლუბთან ერთად სამივე შიდა ტურნირი – ეროვნული ლიგა (2018), საქართველოს თასი (2019, 2021) და საქართველოს სუპერთასი (2020) მოიგო. ამასთან ერთად, მან გუნდთან ერთად ევროტურნირებზეც იასპარეზა.
რაც შეეხება ნიკა მალის სანაკრებო კარიერას, მარჯვენა მცველს საქართველოს 19-წლამდე და 21-წლამდე ნაკრებებში 10-10 მატჩი აქვს გამართული. 2020 წელს კი, მან ერთი შეხვედრა ეროვნული გუნდის შემადგენლობაშიც ჩაატარა.
საკლუბო კარიერა
2017-2021 | საბურთალო | 103 მატჩი | 6 გოლი | 11 საგოლე გადაცემა
სანაკრებო კარიერა
2016-2017 | საქართველო U19 | 10 მატჩი
2019-2020 | საქართველო U21 | 10 მატჩი
2020 | ეროვნული ნაკრები | 1 მატჩი
FCDINAMO.GE
