ოფიციალურად: ილია თოფურიას საკმაოდ რთული მეტოქე შეურჩიეს – „მატადორი“ საბრძოლო განწყობაზეა!

UFC-ს ქართველმა ვარსკვლავმა, ილია თოფურიამ ოფიციალურად დაადასტურა, რომ 11 ივლისს ამერიკელ რაიან ჰოლს დაუპირისპირდება.

ჰოლი 36 წლის საკმაოდ გამოცდილი მებრძოლია. მიუხედავად იმისა, რომ MMA-ში სულ რაღაც – 9 ბრძოლა აქვს ჩატარებული (საიდანაც 8 მოიგო, 1-ში კი დამარცხდა), მისთვის ბრძოლა ნაცნობი ხილია.

ილიას მეტოქე TUF-ის 22-ე სეზონის გამარჯვებული გახლავთ. მისი ძირითადი საბრძოლო სტილი ჯიუ-ჯიტცუა, სადაც მესამე ხარისხის შავ ქამარს ფლობს და პარტერში ამ მხრივ ნამდვილი დომინანტია.

ბოლოს ის ოქტაგონზე თითქმის ორი წლის წინ ვიხილეთ, როცა დარენ ელკინსი მსაჯების ერთსულოვანი გადაწყვეტილებით დაამარცხა. მან ასევე ძალიან მარტივად, პირველივე რაუნდში (არასრულ სამ წუთში) ბიჯეი პენი – ფეხის მტკივნეული ილეთით დაამარცხა.

ილიას საკმაოდ რთულ, მაგრამ სახელიან მებრძოლთან უწევს დაპირისპირება. ჰოლის ბარიერის დაძლევა კი მას ავტორიტეტს კიდევ უფრო მოუმატებს.

„ელ მატადორმა“ ჰოლთან ბრძოლას მცირე პოსტი მიუძღვნა და განაცხადა, რომ ორივე ძალიან ფრთხილად ფრთხილად უნდა იყოს და ერთმანეთს გამარჯვებას არც ერთი მიართმევს.

თოფურიამ ასევე მადლობა მოუხადა თავის გუნდს და გაგვიცხადა. რომ მალე შევხვდებით.