ოფიციალურად: ასტონ ვილამ ფრანგი საყრდენი ნახევარმცველი შეიძინა

ბირმინგემის ასტონ ვილამ მარსელის ოლიმპიკიდან ფრანგი საყრდენი ნახევარმცველი, მორგან სანსონი შეიძინა.

ინფორმაცია კლუბის ოფიციალურმა გვერდმაც დაადასტურა და მოთამაშე უკვე წარადგინეს კიდეც.

Welcome to Aston Villa, @Morgan_Sanson8! 🟣#WelcomeMorgan

— Aston Villa (@AVFCOfficial) January 26, 2021

ასტონ ვილამ 26 წლის ფეხბურთელის ტრანსფერი 14 მილიონი ფუნტი სტერლინგი დახარჯა, რასაც სამომავლოდ ბონუსების სახით 1.5 მილიონი დაემატება. ფეხბურთელმა კი ინგლისურ კლუბთან 4.5-წლიანი კონტრაქტი გააფორმა.

მორგან სანსონი მარსელში 2017 წლის იანვარში, 9 მილიონი ევროს სანაცვლოდ მონპელიედან გადავიდა. ოლიმპიკის მაისურით ჩატარებულ 157 შეხვედრაში, მის ანგარიშზე 25 გოლი და 22 საგოლე გადაცემაა.