დიდი სლემის სამგზის ჩემპიონი სტენ ვავრინკა გარკვეულ ხანს იუქმებს. როგორც თავად შვეიცარიელი ჩოგბურთელი ამბობ, ეს პაუზა დიდხანს არ გასტანს და როლან გაროსისთვის უკვე პროფესიონალურ ტურში დაბრუნდება.
სტენ ვავრინკას საკმაო ხანს მარცხენა ფეხზე პრობლემები ჰქონდა და როგორც აღმოჩნდა მცირე ქირურგიული ჩარევაც საჭირო გახდა. შვეიცარიელმა მეჩოგნე, რომელსაც უიმბლდონის გარდა ყველა მეიჯორი აქვს მოგებული ინსტაგრამის საკუთარ გვერდზე საავადმყოფოში გადაღებული ფოტო გამოაქვეყნა და მცირე კომენტარიც დაურთო.
„მოგესალმებით ყველას. მსურს ახალი ამბავი გაცნობოთ. მარცხენა ფეხზე პრობლემების გამო, რომელიც საკმაო ხანის მაწუხებს მივიღე გადაწყვეტილება მცირე ოპერაცია გამეკეთებინა.
ყველაფერმა კარგად ჩაიარა და მხოლოდ რამდენიმე კვირით მომიწევს დასვენება. მოუთმენლად ველი კორტზე დაბრუნებას“ – წერს სტნ ვავრინკა.
