20 წლის ქართველმა ჩოგბურთელმა, საბა ფურცელაძემ ეგვიპტეში გამართული საერთაშორისო ტურნირი – შარმ ელ შეიხი მოიგო და ეს გამარჯვება უკრაინას მიუძღვნა. საბამ მერვე ნომრად განთესილი სამხრეთ კორეელი, უისინგ პარკი – 6:4, 6:4 დაამარცხა, რის შედეგადაც ATP-ის რეიტინგში დაწინაურდა და 1062-ე პოზიციაზე გადაინაცვლა.
ცნობისთვის, აღნიშნული ტურნირის საპრიზო ფონდი 15 ათასი დოლარი გახლდათ.
აღსანიშნავია, რომ მოგების შემდეგ ფურცელაძემ საქართველოს დროშა აღმართა და მაისურზე სოლიდარობის ნიშნად, უკრაინის დროშა და რუკა ჰქონდა გამოსახული.
აქვე გეტყვით, რომ საბა ეგვიპტეში გამართულ ტურნირზე განთესილთა შორის არ ყოფილა. მან საბოლოო ჯამში 5 გამარჯვება მოიპოვა.
