ნიკოლოზ ბასილაშვილი დოჰას ტურნირის ჩემპიონია. ფინალში მან ესპანელი რობერტო ბაუტისტა აგუტი ორ სეტში – 7:6, 6:2 დაამარცხა.
„შეიძლება რამდენიმე სიტყვა ქართულად ვთქვა? “ – მიმართა მან დაჯილდოების ცერემონიალზე ჟურნალისტს.
„ლუკა, მამიკო, მე შენ მიყვარხარ და მენატრები“ – თქვა ნიკოლოზ ბასილაშვილმა. ზოგადი კომენტარი კი ასეთი იყო:
„დიდი მადლობა ტურნირის საორგანიზაციო კომიტეტს, ჩემს მეგობარ გოგონას, ფიზიოთერაპევტს და მთლიან გუნდს.
ბაუტისტა საკმაოდ მაღალი დონის ჩოგბურთელია. მინდა მას ფინალში გასვლა მივულოცო. ტურნირის დაწყებამდე ველოდი თუ არა რომ არ ვიდგებოდი ჩემპიონის რანგში? პირდაპირ გეტყვით არა. იანვრიდან მოყოლებული საკმაოდ რთული პერიოდი მქონდა.
ბედნიერი ვარ რომ ეს შევძელი. აქ თამაშმა ძალიან დიდი სიამოვნება მომანიჭა. დოჰას შეჯიბრი ჩემი ერთ-ერთი უსაყვარლესი ტურნირია. დიდი მადლობა ქართველ გულშემატკივრებს გვერდში დგომისთვის“ – აღნიშნა ნიკოლოზ ბასილაშვილმა.
