რუსეთის პრემიერლიგის მორიგ ტურში ხვიჩა კვარაცხელიას “რუბინმა” შეხვედრა ფრედ 1:1 დაასრულა.
“ხიმკისთან” გამართულ მატჩში ხვიჩა კვარაცხელიას მონაწილეობა არ მიუღია. ყაზანური კლუბის გავრცელებული ინფორმაციით ხვიჩას მცირე ტრავმა აქვს და სანაკრებო მატჩებისთვის გამოჯანმრთელებას გეგმავს.
“ხიმკისთან” შეხვედრის შემდეგ “რუბინის” მთავარმა მწვრთნელმა ლეონიდ სლუცკიმ კვარაცხელიაზე ისაუბრა.
„ნამდვილად არ ვიცი როდის დაბრუნდება ხვიჩა. რაც არ უნდა ვთქვა ტყუილი იქნება. როცა გუნდი კარგავს კვარაცხელიას დონის ფეხბურთელს ,რა თქმა უნდა გუნდში პრობლემები ჩნდება. იკარგება შემტევი თამაში და ასევე ხარისხიც. ჩვენ არ ვართ იმ დონის გუნდი ,რომ 2 კვარაცხელია გვყავდეს. ამიტომ სკამიდან მისი შეცვლა ძალიან რთულია.“
ხვიჩა კვარაცხელია ყაზანის ‘რუბინში” 2019 წლის ზაფხულიდან გამოდის და კონტრაქტი 2024 წლამდე აქვს გაფორმებული. მიმდინარე სეზონში ქართველმა ფეხბურთელმა ლეონიდ სლუცკის გაწვრთნილ გუნდში პრემიერ ლიგის ეგიდით 4 მატჩი ჩაატარა და 1 გოლი გაიტანა.
5 ტურის შემდეგ ყაზანის “რუბინი” 11 ქულით სატურნირო ცხრილში მე-5 ადგილზე იმყოფება. მორიგ შეხვედრას კი სლუცკის შეგირდები 27 აგვისტოს გამართავენ,სადაც გასვლით შეხვედრაში “კრასნოდარს” დაუპირისპირდებიან.
