კორონავირუსმა მსოფლიო თავდაყირა და დიდი გამოწვევების წინაშე დააყენა. პანდემიამ, ყველა დარგი და ბუნებრივია მათ შორის სპორტიც აზარალა. 2020 წელს დაგეგმილი არაერთი მსხვილი შეჯიბრი გაუქმდა ან გადაიდო და ამ მხრივ გამონაკლისი არც ფეხბურთი ყოფილა.
ევრო 2020-ის შესახებ ყველამ ვიცით. უეფამ ტურნირი 2021 წლისთვის გადადო და იმედია მის გამართვას საფრთხე აღარ დაემუქრება. აი, ფიფა კი პრობლემები მოეძალა საგაისო კალენდრიდან ორი სერიოზული ტურნირის გაუქმება მოუხდა.
„ეს მარტივი არ იყო, მაგრამ Covid 19 ჯერ არსად გამქრალა და სამყაროს ისევ უტევს. პრევენციის მიზნით, ფიფას საბჭომ გადაწყვიტა 2021 წელს გასამართი მსოფლიო ჩემპიონატები 17 და 20 წლამდე გუნდებს შორის გავაუქმოთ. შსაბამისად, ტურნირების მასპინძელი ქვეყნები პერუ და ინდონეზია მსოფლიო ჩემპიონატს 2023 წელს უმასპინძლებენ“ – აღნიშნა ფიფას პრეზიდენტმა ჯანი ინფანტინომ.
ინფანტინომ ასევე კიდევ ერთ მნიშვნელოვან გარემოებას გაუსვა ხაზი. მისი თქმით, ქალთა ფეხბურთი სულ უფრო პოპულარული ხდება, რაც 2019 წლის მსოფლიო ჩემპიონატმაც დაამტკიცა. ამიტომაც, საბჭომ გუნდების გაზრდის გადაწყვეტილება მიიღო. ქალთა შორის 2023 წლის მუნდიალი, რომელსაც ავსტრალია-ახალი ზელანდია უმასპინძლებს 24 ნაცვლად, 32 ნაკრები ითამაშებს.
