ეროვნული ლიგის მე-6 ტურში შევარდენისა და მარტვილის მერანის მატჩის მიმდინარეობისას მარტვილელ ფეხბურთელებს და შეხვედრის არბიტრებს შორის ინციდენტი მოხდა. პირველ ტაიმში, 32-ე წუთზე შევარდენის ფეხბურთელები უტევდნენ და მეტოქის საჯარიმოში ხელით თამაშისთვის თერთმეტმეტრიანის დანიშვნას ითხოვდნენ, თუმცა მთავარმა მსაჯმა მათი თხოვნა არ დააკმაყოფილა.
ამ ეპიზოდიდან ერთ წუთში შევარდენის ფეხბურთელები უკვე მოედნის ცენტრში ითხოვდნენ ჯარიმის დანიშვნას, მაგრამ ამ შემთხვევაშიც მათი მოთხოვნა არ დაკმაყოფილდა. ამ ეპიზოდს შევარდენის კარში გატანილი გოლი მოჰყვა. თბილისელმა ფეხბურთელებმა ეპიზოდი მეოთხე მსაჯთან გააპროტესტეს და საბოლოოდ, მსაჯების კონსულტაციის შედეგად გოლი გაუქმდა და შევარდენის სასარგებლოდ მოედნის ცენტრში თამაშის წესების დარღვევა დაფიქსირდა.
ამ ეპიზოდს უკვე მარტვილის მერანის ფეხბურთელების პროტესტი მოჰყვა, თუმცა მსაჯმა თავისი გადაწყვეტილება აღარ შეცვალა.
შეხვედრა საბოლოოდ მარტვილელთა გამარჯვებით, 1:2 დასრულდა.
