2021 წელი დასასრულის დასაწყისად უნდა იქცესო. ყოველშემთხვევაში ასეთი დამაიმედებელი პროგნოზები აქვთ მედიკოსებს და ამის იმედს ვაქცინის შექმნაც იძლევა, რომლის გამოყენებაც უკვე ევროკავშირის სახელმწიფოებში, ამერიკის შეერთხებულ შტატებში და სხვა ქვეყნებში დეკემბრიდან დაიწყო.
არავინ იცის, რეალურად კიდევ რამდენ ხანს მოუწევს სამყაროს ამ რეჟიმში ცხოვრება, მაგრამ გვირაბის ბოლოს შუქი უკვე ჩანს და ეს მეტად მისასალმებელი ამბავია.
რა თქმა უნდა, პანდემიით და მისგან შეცვლილი ცხოვრების სტილით და მუდამ დაძაბულ მდგომარეობაში ყოფნით შეწეხებულები არიან სპორტსმენებიც. მათ ყოფითის გარდა გადაწყობა სპორტული ცხოვრების კუთხითაც მოუხდათ. ყველაფერი ყელში ამოუვიდა იტალიელ ჩოგბურთელს მატეო ბერეტინისაც.
„ბუნებრივია უჩვეულო გარემოებასთან მოგვიხდა შეჯახება. პირველ რიგში რთულ მდგომარეობაში არიან მედიცინის მუშაკები. მათ მართლა ჯოჯოხეთის გავლა უწევთ. რა თქმა უნდა, ვაქცინაციის პროცედურას დადებითი და იმედიანი თვალით შევყურებ.
როდესაც ამის შანსი მომეცემა აუცილებლად ავიცრები. მომბეზრდა და ყელში ამომივიდა ასეთი ცხოვრება. მინდა ეს ყველაფერი რაც შეიძლება მალე დასრულდეს“ – ამბობს მატეო ბერეტინი, რომელმაც ბოლო პერიოდში საგრძნობი კარიერული ნახტომი გააკეთა.
