ევროპის ჩემპიონატი იტალიის ნაკრების გამარჯვებით დასრულდა. გამარჯვების შემდეგ, “სკუადრა აძურას” კაპიტანი ჯორჯო კიელინი ჟურნალისტების წინაშე წარდგა და მცირე კომენტარი გააკეთა:
“მაისის ბოლოდან ვამბობდით, რომ ჰაერში რაღაც მაგიური იყო. დამსახურებულად მოვიგეთ, ვგრძნობდით, რომ ეს შეგვეძლო. ეს წარმოუდგენელი ემოციაა, მოდით დავტკბეთ, რადგან ყველაფერი დიდებულია. მიუხედავად სწრაფი გოლისა, უკეთ ვთამაშობდით და შემდეგ პენალტებში ჯიჯო იყო! ჯიჯიდან ჯიჯოზე გადავედით! ამ ტრიუმფის შემდეგ გვინდა, ხვალ ყველა იტალიელთან ერთად ვიზეიმოთ.” – განაცხადა კიელინიმ
