მოიგებ-წააგებ, მაინც ნახვამდის

ესპანეთის ჩემპიონატის დასრულებამდე 3 ტურით ადრე, ჩემპიონობაზე პრეტენზიას ერთბაშად 4 გუნდი აცხადებს.

„ატლეტიკო“ 77 ქულით სატურნირო ცხირლს ლიდერობს, 75-75 ქულით მეორე-მესამე ადგილებს „რეალი“ და „ბარსელონა“ იყოფენ, ხოლო „სევილია“ 71 ქულით მეოთხე პოზიციაზეა.

მიუხედავად იმისა, გახდება თუ არა „ბარსელონა“ ლა-ლიგის ჩემპიონი, რონალდ კუმანი თანამდებობიდან შეიძლება მაინც დაითხოვონ.

როგორც პოპულარული გამოცემა ESPN იუწყება, კატალონიური გრანდის დირექტორთა საბჭო კუმანის სათამაშო სტილით დიდად მოხიბლულნი არ არიან. „ბარსელონას“ ბოსები თვლიან, რომ სამომავლო პერსპექტივაში ნიდერლანდელი სპეციალისტის ადგილი ამ საპასუხისმგებლო პოსტზე არ არის.

შეგახსენებთ, „ბარსელონამ“ სეზონში ერთი ტიტული უკვე მოიგო. კატალონიელები სამეფო თასის მფლობელები გახდნენ.